အဲ..... မိန်းကလေးအုပ်စုကိုရွဲ့ပြီးတော့ ၁၀ နာရီလောက်ရှိတာနဲ့မုဆိုးဒူးထောက်တောင်ကို
သွားကြတာပေါ့... မုဆိုးဒူးထောက်တောင်ကိုသွားတဲ့လမ်းမှာတော့ဘာမှထွေထွေထူးထူး
မဖြစ်ကြပါဘူး..ဒီလိုနဲ့အဲဒီကနေတည်းခိုခန်းကိုပြန်ရောက်တော့ညနေမိုးချုပ်နေပြီ...
ဒီလိုနဲ့ရန်ကုန်မှာကျန်ခဲ့တဲ့အမေတို့ဆီဖုန်းဆက်တာပေါ့..
ဘာလို့လည်းဆိုတော့အမေတို့က
သထုံကိုလိုက်လာမှာလေ..သထုံကကျွန်တော်တို့ရဲ့မွေးရပ်မြေလေ..
ဒီတော့အမျိုးတွေဆီကို
အလည်ပြန်ရတာပေါ့..အမျိုးတွေဆီကိုသွားတဲ့ခရီးကအဖြစ်အပျက်တွေကို
နောက်မှရေးမယ်နော်
စာရေးတာလမ်းကြောင်းပြောင်းသွားတော့မလို့...
ဖုန်းဆက်တော့ သူတို့သန်ဘက်ခါလိုက်လာမယ်တဲ့.. ဒီလိုနဲ့ဖုန်းတွေဘာတွေဆက်ပြီးတော့
ထမင်းစားချိန်ရောက်တော့..ထမင်းဆိုင်တန်းဘက်ကိုထွက်ကြရတာပေါ့..
ဒီတစ်ခါထမင်းစားမယ်ဆိုတော့..အားလုံးကတိုင်ပင်ကြတာပေါ့ ပိုက်ဆံပေးရတာ ချင်းအတူတူ
စားကောင်းမဲ့ဆိုင်မှာပဲစားမယ်ပေါ့.. အဲ့ဒီမှာ လူတွေကကွဲကုန်ရော.. ၇ယောက်အဖွဲ့မှာ ၃ယောက်က
အရင်ဆိုင်မှာစားမယ် ကျန်တဲ့သုံးယောက်ကဆိုင်ပြောင်းစားမယ်နဲ့ဖြစ်ကုန်ရော..
ကျွန်တော်ကတော့ဘယ်ဆိုင်စားစားဖြစ်တယ်ပေါ့.အစားအသောက်ပဲဗိုက်ထဲရောက်သွားဖို့
အဓိကမဟုတ်လား..ဟိုသုံးယောက်ကလည်း အရင်ဆိုင်ကိုအားနာတယ်တဲ့...
ဒါနဲ့ပဲအားလုံးသဘောတူညီမှုနဲ့ ကျွန်တော်အကိုရဲ့အကြံအတိုင်း ဖိနပ်လှန်မယ်ဆိုပြီးလှန်ကြတာပေါ့..
အဲဖြစ်ချင်တော့ ဖိနပ်လှန်တဲ့နေရာက ပထမထမင်းဆိုင်နဲ့ဒုတိယထမင်းဆိုင်ကြားထဲမှာဖြစ်နေတယ်
ဒီတော့ နှစ်ဆိုင်လုံးကဝိုင်းကြည့်ပေါ့.. လှန်လည်းလှန်ပြီးရော ဒုတိယထမင်းဆိုင်ကနိုင်သွားရော..
ဒါနဲ့ဆိုင်သစ်မှာပြေားစားကြတာပေါ့.. ပထမဆိုင်ကလူတွေလည်းမျက်စောင်းတွေထိုးပေါ့...
မသိချင်ယောက်ဆောင်ပြီးပဲ ဝင်စားလိုက်ကြတယ်... စားပြီးသောက်ပြီးပြန်ကြတာပေါ့..
ပြန်ပြီး ညဘက်လာမယ့်ဘောလုံးပွဲအကြောင်းတွေပြောကြ ရင်းနဲ့ဘောလုံးပွဲအလာကိုစောင့်ကြတယ်.
ည၂း၃၀ လောက်ရောက်တော့ လက်ဖက်ရည်ဆိုင်ကိုသွားဘောလုံးပွဲကြည့် ကြတာပေါ့
ဘောလုံးပွဲပြီး တာနဲ့တည်းခိုခန်းကိုပြန်တော့.. ရင်ပြင်တော်ဘေးမှာ ပထမထမင်းဆိုင်ကလူတွေ
ထမင်းဟင်းချက်နေတာနဲ့တိုးပါရော.. သူတို့ကစပြီး ပြောတာပေါ့..ရန်ကုန်သားတွေမဟုတ်ဘူးတဲ့
အညာသားတွေတဲ့.. ကျွန်တော်တို့ကိုသူတို့ကဘယ်ကလာတာလဲဆိုတော့ရန်ကုန်ကလို့ပြောထားတာ
ဒီတော့ပြောပြီပေါ့.. သူတို့ကလည်းဆက်ပြော တယ်.. သူတို့ဆိုင်မှာပဲစားမယ်ပြောပြီးတော့ တခြားဆိုင်
ပြောင်းစားတယ်တဲ့... အညာသားတွေတဲ့... အညာသားလို့ပြောတာသူတို့ကိုညာသွားလို့တဲ့
အဲ့ဒီမှာမဲကြီးက ထပြီးရန်တွေ့ပါရော.. ဘာဖြစ်လဲဘာဖြစ်လဲတဲ့.. ဟင်းကိုကောင်းအောင်မှမချက်တာတဲ့
အဲ့ဒါကြောင့်ပြောင်းစားတာတဲ့.. ဘာမှလာပြောမနေနဲ့ဆိုပြီးပြန်ပြီးရန်တွေ့တာဗျား.. ဆိုင်က အမကြီးတွေဆို
ပါးစပ်လေးတွေအဟောင်းသားနဲ့ကြောင်ကြည့်နေတာ.. အေးလေသူတို့လည်းဒီလောက် ရန်ပြန်ထောင်တတ်
တဲ့ယောင်္ကျားလေးမျိုးမတွေ့ဘူးလို့ထင်ပါတယ်.. သြော် တောင်ပေါ်ကအဖြစ်တွေပေါ့
0 comments:
Post a Comment